13:33, 05 Шілде 2020 | GMT +6
Елорда күніне орай Текеліде биіктігі 25 метрлік тутұғыр орнатылды
ТАЛДЫҚОРҒАН. ҚазАқпарат - Алматы облысының Текелі қаласында Елорда күні мен Ата Заңымыздың 25 жылдығына орай биіктігі 25 метрлік тутұғыр орнатылды, деп хабарлайды ҚазАқпарат тілшісі.
Бұл жоба «Жұмыспен қамтудың жол картасы – 2020» бағдарламасы аясында жүзеге асты.
Ту көтеру құрметіне каратэден жасөспірімдер арасындағы Азия және Әлем чемпионы Әсемай Акрамбек ие болды.
Текеліде «Жұмыспен қамтудың жол картасы – 2020» бағдарламасы бойынша барлығы 13 жоба жүзеге асып жатыр. Оған 1 млрд 837 млн теңгеден астам қаржы бөлінген.
Сонымен қатар моноқалада балаларға арналған екі спорт алаңы да пайдалануға берілді.
Жұмыспен қамтудың жол картасы – 2020» бағдарламасын жүзеге асыруға барлығы 214 адам қамтылуы тиіс. Қазір соның тең жартысынан астамы қалалық жұмыспен қамту орталығы арқылы жұмысқа тартылып, аталған нысандарда еңбек етіп жатыр.