Елордада 0-4 сынып оқушыларына сабақ болмайды

None
None
НҰР-СҰЛТАН. ҚазАқпарат – Елордада 0-4 сынып оқушылары үшін сабақтар тоқтатылды, деп хабарлайды ҚазАқпарат.

«19 қараша күні ауа райының колайсыздығына байланысты (қатты жел мен көру мүмкіндігінің төмендеуі) қала мектептерінің бірінші ауысымындағы 0-4 сынып оқушылары үшін сабақ болмайды», - деп мәлім етті Білім басқармасынан.

Еске салайық, бүгін Нұр-Сұлтан қаласында желдің жылдамдығы 18 м/с дейін артатыны ескертілген болатын. Осы уақытта температура бағамы -13 градусты көрсетіп тұр. Сезілуі -29 градус.

Айта кетейік, ауа райына байланысты оқу процесінің тоқтатылғаны жөнінде ақпаратты келесі дереккөздерден білуге болады: 1) Нұр-Сұлтан қалалық Төтенше жағдайлар департаментінің SMS-хабарламасы; 2) iKOMEK109 қалалық орталығының (109 нөміріне қоңырау соғу, немесе мобильді қосымша мен чаттарына тіркеліп, хабарлама алу) ақпараты; 3) Қалалық Білім басқармасының ресми сайты . 4) Білім басқармасының Facebook-тегі ресми парақшасы. 5) Нұр-Сұлтан қаласы әкімдігінің ресми сайты . 6) Smart Astana қосымшасы (мобильдік қосымшасына тіркеліп, хабарлама алу).

Сондай-ақ ҚР ІІМ Төтенше жағдайлар комитеті «Darmen» мобильдік қосымшасын іске қосқан болатын. Онда сабақтардың тоқтатылғаны жөніндегі хабарламардан бөлек, дауылды гидрометеорологиялық құбылыстар, сейсмикалық қатерлер, қысқы кезеңде автомобиль жолдарының жабылуы, республиканың барлық аумағындағы профилактикалық және басқа да іс-шаралар туралы ақпарат жедел түрде таратылады.

Соңғы жаңалықтар