+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Елордада 7 және 9 мамыр күндері өтетін мерекелік іс-шаралар кестесі жарияланды

2021 жылғы 4 мамыр 17:26
Бөлісіңіз:
Елордада 7 және 9 мамыр күндері өтетін мерекелік іс-шаралар кестесі жарияланды

НҰР-СҰЛТАН. ҚазАқпарат – Елордада алдағы 7 мамыр – Отан қорғаушылар күні және 9 мамыр – Жеңіс күні мерекелеріне арналған іс-шаралар тізімі жарияланды. Карантиндік шараларға байланысты іс-шаралардың бәрі онлайн өтеді, деп хабарлайды ҚазАқпарат қала әкімдігіне сілтеме жасап.

Ұқсас жаңалықтар
Нұр-Сұлтанда тұрғын үй кешеніндегі жабық тұрақтағы көлік өртенді Ардагерлер ізімен: Төтенше жағдайлар саласының өкілдері тыл еңбеккерлерін құттықтады Алматы облысындағы бас бостандығынан айыру орындарында отырғандар Жеңіс күнін атап өтті

Елорданың мектептерінде 6 мамырға дейін Отан қорғаушылар күні мен Жеңіс күніне арналған сынып және куратор сағаттары, әскери-патриоттық тәрбиедегі әндердің онлайн байқауы өтеді. Онлайн шараларды Instagram желісіндегі «Астана жастары» және «Жас сарбаз» парақшаларынан көруге болады.

Елорданың «Білім-инновация» лицей-интернаты» 5 мамыр күні мерекеге орай «Бір үзік сыр» сұхбатын өткізеді. Сыр-сұхбатты білім мекемесінің Instagram желісіндегі ресми парақшасынан тамашалауға болады.

№4 қалалық емханада ҰОС ардагерлері мен оған теңелген тұлғаларға арнап медициналық тексеру ұйымдастырылады. Ал №2 қалалық емхана соғыс ардагерлеріне арналған үй күтімі жөніндегі дәрігерлер кеңесін өткізеді. Бұл шаралар 6 мамырға дейін жалғасады.

«Саяси қуғын-сүргін және тоталитаризм құрбандарының «АЛЖИР» мемориалды-мұражай кешені «Малиновка» іздеу клубымен бірлесіп, 5 мамыр күні тыл ардагерлерімен, «Ауған соғысының ардагерлері мен мүгедектері» ҚБ өкілдерімен, сондай-ақ «Ерлікке тағзым, ардагерге – құрмет» әскери қызметшілерімен кездесу өткізеді.

Сонымен қатар 5-10 мамыр аралығында ҰОС жауынгерлеріне арналған монументалды кешенге, «Отан қорғаушылар» мемориалдық кешеніне, М.Мәметова, Б.Момышұлы ескерткіштеріне онлайн экскурсия жүргізіледі. Толық мәліметтерді Мәдениет басқармасынан, Біріккен мұражайлар дирекциясынан, тарихи-мәдени мұраны сақтау орталығынан алуға болады.

7 мамыр – Отан қорғаушылар күні Qazaqstan телеарнасы «Ақиқат пен аңыз» концерт-спекталін ұсынады.

Отан қорғаушылар күніне орай «ANK Live» студиясының тікелей эфирі ҚР Қорғаныс министрлігінің өкілдерімен өтетін іс-шараны ұсынады. Онлайн шараны Facebook, Instagram әлеуметтік желіcінен көруге болады.

Нұр-Сұлтан қаласы филармониясы оркестрі 8 мамыр күні 22 ҰОС ардагеріне арнап көшпелі концерт ұйымдастырады. Сол күні Jas sarbaz әскери-патриоттық жобасы аясында ардагерлерге азық-түлік себеті табыс етіледі.

Ал 9 мамыр – Жеңіс күніне орай елорда көшелерінде «Жеңіс жолдарымен» мобильді іс-шарасы өтеді. Дәл осы күні «Хабар» телеарнасында «Ер есімі – ел есінде» концерті жұртшылық назарына ұсынылатынын еске сала кетейік.

Айта кетейік, елордадағы іс-шаралардың бәрі санитарлық нормаларды толықтай сақтай отырып өтеді.


Біздің каналымызға жазылыңыз:

Бөлісіңіз:

Автор:

Аяулым Алтынбек

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT