03:22, 14 Қазан 2021 | GMT +6
Елордада тәртіп пен тазалықты бұзушылар 27 млн теңге айыппұл төледі
НҰР-СҰЛТАН. ҚазАқпарат - Қауіпсіздікті анағұрлым тиімді үйлестіру және орталықтандырылған мониторингті қамтамасыз ету үшін «iKOMEK» орталығында Нұр-Сұлтан қаласы Полиция департаментінің қызметкерлері жұмыс істеуде. Олармен бірлесіп, ағымдағы жылдың басы мен қыркүйек айы аралығында 12 023 құқықбұзушылық анықталды. 96 қылмыстық істің ашылуына ықпал етілді, деп хабарлайды ҚазАқпарат.
«Нәтижесінде әкімшілік құқықбұзушылықтар бойынша толтырылған хаттамалар арқылы бюджетке 27 288 535 теңге айыппұл аударылды», - делінген қалалық «iKOMEK» орталығының Instagram парақшасында.