11:02, 12 Қараша 2019 | GMT +6
Елордада трактор мен жолаушылар автобусы соқтығысып қалды
НҰР-СҰЛТАН. ҚазАқпарат – Алдын ала болжам бойынша, трактор №40 жолаушылар автобусына жол бермеген, деп хабарлайды ҚазАқпарат қалалық полиция департаментінің баспасөз қызметіне сілтеме жасап.
«Полиция қызметкерлері сағат 9:10-да Пушкин көшесі мен Абылай хан даңғылының қиылысында болған жол-көлік оқиғасына қатысты мән-жайды анықтап жатыр. Аталған қиылыста солға бұрылған трактор жүргізушісі қарсы бағытта келе жатқан №40 жолаушылар автобусына жол бермей, салдарынан екеуі соқтығысып қалған», - делінген баспасөз хабарламасында.
Алдын ала болжам бойынша, автобустағы 5 жолаушы ауруханаға жеткізілді.
Фото: Аскар Жанапов/Facebook