+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Елордада үйсіз ит-мысықтарға қарайтын ұйым ашық конкурс арқылы таңдалады

2020 жылғы 18 қыркүйек 22:10
Бөлісіңіз:
Елордада үйсіз ит-мысықтарға қарайтын ұйым ашық конкурс арқылы таңдалады

НҰР-СҰЛТАН. ҚазАқпарат - Астанада қаңғыбас мысықтар мен иттерге арналған жаңа баспананың жұмысын қамтамасыз ететін компания ашық конкурс арқылы анықталады. Оған барлық мүдделі еріктілер және басқа да ұйымдар қатыса алады, деп хабарлайды ҚазАқпарат.

Бұл туралы қоғамдық ұйымдармен және волонтерлік бірлестіктермен кездесу барысында қалалық орта сапасы және бақылау басқармасының басшысы Дәулет Досқұлов мәлімдеді.

«Бүгінде біз жануарларға жанашырлық танытып жүрген белсенділермен тығыз байланыс орнатып жатырмыз. Олармен жануарлар баспанасын сенімгерлік басқаруға беру мәселесін талқыладық. Ашық конкурс талқылаулар мен келіссөздер, жүйелі шаралар қабылданғаннан кейін жарияланады», - дейді қалалық орта сапасы және бақылау басқармасының басшысы Дәулет Досқұлов.

Кездесуде тараптар салада туындаған актуалды мәселелерді ескере отыра, алда бірлесіп орындалатын бірқатар іс-шараларды белгіледі.

«Біз жаңа баспананы жүргізу мен ондағы жануарларды асырауға арналған жоба әзірледік. Шетелдік және Қазақстанның өзге де қалаларының тәжірибесіне сүйене отырып, сараптама жасадық. Алдағы жарияланатын байқауға біз де қатысамыз» - дейді NUCOBO жануарларды қорғау қауымдастығының жетекшісі Лилия Сарсенова.

Кездесу нәтижесі бойынша алдағы уақытта мемлекеттік бюджеттің қатысуынсыз сенімгерлік басқару шарты шеңберінде жаңа баспана жұмысының тұжырымдамасы бекітілмек.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT