19:59, 07 Наурыз 2021 | GMT +6
Елордалық спортшылар қарттар үйіндегі аналарды мерекемен құттықтады
НҰР-СҰЛТАН. ҚазАқпарат - Елордалық спортшылар қарттар үйіндегі аналар мен коммуналдық сала қызметкерлерін 8 наурыз – Халықаралық әйелдер күні мерекесімен құттықтады, деп хабарлайды ҚазАқпарат қала әкімдігінің ресми сайтына сілтеме жасап.
Халықаралық жарыстардың жеңімпаздары мен жүлдегерлері аналарға гүл шоқтары, сыйлықтар мен азық-түлік таратты.
«Біздің спортшылар үнемі қайырымдылық іс-шаралардың басынан табылады. Бүгін олар біздің қымбатты аналарымызға, әжелерімізге, ардагерлерімізге мерекелік көңіл-күй сыйлауға келді. Алдағы таңда да біз қашанда көмек көрсетуге дайынбыз», - деді Дене шынықтыру және спорт басқармасының басшысы Самат Ерғалиев.
Қарттар үйінің 83 жастағы әжесі Айғаныс спортшыларға алғыс айтып, батасын берді.
«Біз әжемізден бата алғанымызға өте қуаныштымыз. Барлық аналар мен әжелерді мерекемен құттықтаймыз»,-деді муай-тайдан әлем чемпионы Алмаз Сәрсембеков.