+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Ертең Қызылордада коронавирусқа қарсы вакцинацияның екінші кезеңі басталады

2021 жылғы 3 наурыз 21:53
Бөлісіңіз:
Ертең Қызылордада коронавирусқа қарсы вакцинацияның екінші кезеңі басталады

ҚЫЗЫЛОРДА. ҚазАқпарат - Қызылордаға коронавирус инфекциясына қарсы егілетін 6200 дана «Спутник V» дозасы келді. Оның 3600-і - бірінші компонентте, 2600-і - екінші компонентте егіледі, деп хабарлайды ҚазАқпарат тілшісі.

Ұқсас жаңалықтар
Қарағандыда 15 конфессияның өкілдері вакцинация пунктінде екпе алды Семейде ірі кәсіпорындарда вакцинация пунктері ашылды Бақытжан Сағынтаев телеарнаның тікелей эфирінде алматылықтарды вакцинацияға шақырды

Бұл кезеңде вакцина алмаған медицина қызметкерлеріне, мұғалімдерге және жұқтыру қаупі неғұрлым жоғары жұмыс орындарының қызметкерлеріне салынады.

«Бұдан бұрын екпе салдырғындар арасында денсаулығына шағымданған азаматтар болған жоқ. Ал 4 наурыздан екпенің екінші кезеңін бастамақпыз. Алғашқы кезеңде вакцинациялау тек қаладағы №1, 3, 6 емханаларда жүргізілген еді. Енді екінші кезеңнен ол аудандарда жалғасады. Бұл ретте егу науқанын сапалы өткізу үшін аудандағы медицина қызметкерлері де дайындық курсынан өтіп, оқытылды», - деді облыстық денсаулық сақтау басқармасының басшысы Сәбит Пазилов.

Айта кетейік, вакцина аудандарға температуралық режимді қадағалайтын арнайы машинамен жеткізіледі.

Осы бағытта алғашқы медициналық-санитарлық көмек мекемелерінде 14 егу кабинеті дайындалған.

«Қазір халықтың вакцинациялаудың қауіпсіз екеніне көзі жетті деп ойлаймын. Бір жағынан асқыну, ауру белгілері 1-ші, 2-ші компаненттерде де байқалмады. Вакцина келе саласымен барлық талаптарға сәйкес мұздатқыштарға орналастырылды. Қазіргі таңда қоймадан қажетті вакцина облыс орталығындағы емханалар мен аудандарға тасымалдануда. Бұл ретте тиісті сала мамандарымен комиссия құрылды. Яғни, вакцинаны аудандарға жібергенде, доза ешқандай бұзылусыз жетсе, құрылған комиссия мүшелері қабылдап алатын болады», - деді облыстық санитариялық-эпидемиологиялық бақылау департаменті басшысы міндетін атқарушы Әлия Әбдіқайымова.

Еске сала кетелік, бұдан бұрын Қызылордада 505 адам коронавирусқа қарсы екінші мәрте вакцина салдырды.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT