Еуропарламенттің COVID-19 пандемиясы жөніндегі арнайы комитеті құрылды
Сейсенбі күні Еуропарламенттің арнайы комитеті төрайымы лауазымына Бельгия депутаты Кэтлин Ван Бремп (Социалистер мен демократтардың прогрессивті альянсы), сондай-ақ оның төрт орынбасарын сайланды. Ал оның мүшелігінде 38 адам бар. Комитет құрылтай жиналысы өткен күннен бастап 12 ай бойы жұмыс істейді және оның мүшелерінің өкілеттігі ұзартылуы мүмкін.
Жаңа комитеттің міндеті - Еуропаның COVID-19 пандемиясына реакциясын зерттеу. Қауіпті вируспен күресте жинақталған тәжірибе Еуропалық одақтың түрлі салалардағы болашақ іс-әрекеттеріне септігін тигізеді.
Арнайы комитет жұмысының көп бөлігі пандемиямен байланысты төрт салаға бағытталған: денсаулық сақтау, демократия және негізгі құқықтар бойынша келісілген жауап, әлеуметтік және экономикалық әсерлері, ЕО-ның басқа елдермен қарым-қатынасы.