Футбол: Михал Билек «Астанаға» келді

«Астана» футбол клубы мәлім еткеніндей, М.Билек өткен жылы Қазақстан ұлттық құрамасын жаттықтырған болатын.

Чехиялық маман өз елінде «Теплице», «Хмел», «Виктория» (Пльзень), «Спарта» (Прага), «Высочина», «Фастав» клубтарында қызмет етті. Чехия жасөспірімдер және ұлттық құрамасында да бапкер болды. Сондай-ақ костарикалық «Картахинес», словакиялық «Ружомберок», грузиялық «Динамо» (Тбилиси) клубтарын жаттықтырды.

Чехия ұлттық құрамасымен бірге Еуропа чемпионатының ширек финалына шықты. Ал жасөспірімдер құрамасын баптаған кезде Еуропа біріншілігінің қола жүлдесіне ие болды. «Спартамен» ел чемпионы атанып, кубокты да жеңіп алды.

М.Билек жаттықтырған Қазақстан құрамасы 2020 жылғы Еуропа чемпионатының іріктеу турнирінде I тобында бесінші орынды қанағат тұтты.

Чехиялық маман «Астананың» тізгінін алумен бірге Қазақстан ұлттық құрамасын да қоса баптай беретінін жеткізді.

Еске сала кетейік, бұдан бұрын Роман Григорчуктың «Астанадан» кетіп, «Барселонаның» бас бапкері ауысқанын жазған болатынбыз.