+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Футболдан Чемпиондар лигасы: «Бавария» өз алаңында жеңіліп қалды

2021 жылғы 8 сәуір 09:22
Бөлісіңіз:
Футболдан Чемпиондар лигасы: «Бавария» өз алаңында жеңіліп қалды

НҰР-СҰЛТАН. ҚазАқпарат - UEFA Чемпиондар лигасы 1/4 финалында 7 сәуірде екі ойын өткізілді, деп хабарлайды ҚазАқпарат тілшісі.

Алғашқы жұпта «Порту» (Португалия) мен «Челси» (Англия) командалары кездесті. Бұл ойында ағылшындар 2:0 есебімен жеңіске жетті. Олардың қатарынан Мэйсон Маунт 32, Бенджамин Чилуэлл 85-минутта мергендік танытты.

Тағы бір ойында «Бавария» (Германия) мен «Пари Сен-Жермен» (Франция) командалары шеберлік байқасты. Кездесу барысында қос команда бес гол соқты.

Алдымен «Пари Сен-Жермен» сапынан Килиан Мбаппе 3, Маркиньос 28-минуттарда мергендік танытты. Оған «Бавария» қатарынан Эрик Шупо-Мотинг 37, Томас Мюллер 60-минуттарда қос голмен жауап қайырды. Ойын нүктесін 68-минутта Килиан Мбаппе қойып, кездесудегі екі голдың авторы атанды. Осылайша неміс клубы өз алаңында қарсыласына 2:3 есебімен есе жіберді.

Енді қарымта ойындар 13 сәуірде өткізіледі.

Айта кетейік, бұдан бұрын ширек финалда тағы екі ойын өткізілді. Испанияның «Реал Мадрид» клубы «Ливерпульді» 3:1, Англияның «Манчестер Сити» клубы Германияның «Боруссия Дортмунд» командасын 2:1 есебімен тізе бүктірді.

Финал 29 мамырда Түркияның Ыстанбұл қаласындағы «Ататүрік» олимпиадалық стадионында өтеді.



Біздің каналымызға жазылыңыз:

Бөлісіңіз:

Автор:

Әділжан Үмбет

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT