+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Футболдан Қазақстан біріншілігі: «Астана» «Ордабасыға» есе жіберді

2021 жылғы 22 маусым 21:26
Бөлісіңіз:
Футболдан Қазақстан біріншілігі: «Астана» «Ордабасыға» есе жіберді

НҰР-СҰЛТАН. ҚазАқпарат - Бүгін футболдан Премьер-лига командалары арасындағы ел біріншілігінің он жетінші туры басталды, деп хабарлайды ҚазАқпарат тілшісі.

Ұқсас жаңалықтар
UEFA Конференция лигасы: «Тобыл» Хорватияның командасын жеңді UEFA Конференция лигасы: «Шахтер» жарысты жалғастырады UEFA Конференция лигасы: Бүгінгі ойындарды қайдан көруге болады

Алғашқы ойында елордада «Астана» Шымкенттің «Ордабасы» клубымен шеберлік байқасты.

Кездесу барысында шымкенттік клуб бірінші кезеңнің өзінде алаң иелері қақпасына екі гол соғып үлгерді. Алдымен 21-минутта Бағдат Қайыров «Астана» қақпашысын қапы қалдырса, одан кейін 24-минутта Жоао Паоло есепті үстемелей түсті.

Екінші кезеңде тізгінді елордалық команда өз қолына алуға тырысты. Десе де оларға сәттілік жетіспей жатты. Кездесуде «Астана» қарсыласына 0:2 есебімен есе жіберді.

Еске салсақ, бүгін аталған турда тағы екі ойын өткізіледі. Дәл қазір Оралда «Ақжайық» пен Қарағандының «Шахтер» арасындағы кездесудің екінші, «Ақтөбе» мен «Қызылжар» ойынының бірінші кезеңі өтуде. Әзірге есеп 0:0.

Ал 23 маусымда 18.00-де «Жетісу» (Талдықорған) мен «Атырау», 19.00-де «Қайрат» (Алматы) мен «Каспий» (Ақтау), 20.00-де «Тараз» бен «Тұран» (Түркістан) ойындары болады. Бұл турды 21.00-де «Қайсар» (Қызылорда) мен «Тобыл» (Қостанай) кездесуі түйіндейді.

Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT