+7 (701) 759 90 19
USD 432.21 EUR 520.38
RUB 5.67 CNY 66.59
Jańalyqtar

Футзал: Қазақстан құрамасы көш басына шықты

2021 жылғы 2 наурыз 21:12
Бөлісіңіз:
Футзал: Қазақстан құрамасы көш басына шықты

НҰР-СҰЛТАН. ҚазАқпарат - Футзалдан Қазақстан құрамасы 2022 жылғы Еуропа чемпионаты топтық іріктеу кезеңінде бүгін елордада Беларусь командасымен кездесті, деп хабарлайды ҚазАқпарат тілшісі.

Ұқсас жаңалықтар

Естеріңізге сала кетелік, қазақстандық футзалшылар бесінші топқа түсті. Қарсыластары - Венгрия, Беларусь және Израиль құрамалары.

Бүгінгі ойында қазақстандық футзалшылар жинақы қимыл көрсетуге тырысты. Кездесу басынан тізгінді өз қолына алуға күш салды. Шыңғыс Есенаманов 2-минутта мергендік танытып, алаң иелерін алға шығарды. Ал 8-минутта Біржан Оразов, 14-минутта Лео есепті үстемелей түсті.

Екінші кезеңде қос команда алаң иелері басымдығын арттырды. Шыңғыс Есенаманов 21-минутта тағы бір мәрте қақпаны дәл көздесе, оған 28-минутта беларусьтік Сергей Крыкун бір голмен жауап қайырды. Ал 28-минутта Дәурен Тұрсағұлов қазақстандық құраманың басымдығын арттырды. Беларусь ойыншысы Юрий Рабыко 29-минутта есеп айырмасын қысқартты.

Кездесуде қазақстандық футзалшылар қарсыласын 5:2 есебімен тізе бүктірді. Осылайша іріктеу кезеңіндегі екінші жеңісіне қол жеткізді.

Бұл жеңістен кейін Қазақстан құрамасы өз тобында алты ұпаймен жеке-дара көш бастады. Одан кейінгі орындардағы Венгрия мен Беларусьтің еншісінде үш-үштен ұпайы бар. Соңғы орындағы Израиль құрамасы әзірге ұпай еншілеген жоқ.

Қазақстан құрамасы енді 8 наурызда бүгінгі қарсыласы - Беларусьпен сырт алаңда тағы бір ойын өткізеді.

Қазақстандық құрама алғашқы ойында өз алаңында Венгриядан 5:0 есебімен басым түсті. Екінші кездесуді 28 қаңтарда Израильде өткізу жоспарланған.

Айта кетелік, қазақстандық футзалшылар бұдан бұрын Еуропа чемпионаты финалдық кезеңінде екі мәрте бақ сынады. 2016, 2018 жылдарда қола жүлде алды. Еуропа чемпионатының финалдық сатысы 2022 жылдың 19 қаңтар және 6 ақпан аралығында Нидерландының Амстердам және Гронинген қалаларында өткізіледі.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT