09:21, 14 Желтоқсан 2019 | GMT +6
«Хан Шатырда» бутик өртенді
НҰР-СҰЛТАН. ҚазАқпарат – «Хан Шатыр» сауда, ойын-сауық орталығы бутиктерінің бірінен өрт шықты, деп хабарлайды ҚазАқпарат ТЖК сілтеме жасап.
«14 желтоқсанда сағат 06:23-де «101» қызметіне «Хан Шатыр» сауда, ойын-сауық орталығындағы «Climber» бутигінен өрт шыққаны туралы ақпарат түсті. Өрт сағат 06:48-да толық сөндірілді. 5 шаршы метр аумақ жанып кетті. Оқиғадан ешкім зардап шекпеген. Өрттің шығу себептері анықталуда»,- делінген хабарламада.
Еске салсақ, өткен қараша айында «Хан Шатырдың» астыңғы қабатынан өрт шықққан болатын.