Індетті бірліктің арқасында жоя білген елдің болашағы зор - Юрий Шумаев
Бұл ойымен «Союз Пятидесятнической церкви Казахстана» заңды тұлғалар бірлестігінің төрағасы Юрий Шумаев бөлісті, деп хабарлайды ҚаАқпарат тілшісі.
«Алғыс айту күні - адамның бір-біріне құрмет көрсететін күні. Біздің Қазақстан халқының басынан талай тарихи кезеңдер өтті. Ауыртпашылығы көп, зұлмат жылдарды да бастан кешті. Сондай уақыттың өзінде ұлттар татулығы тағынан тайған емес. Тарихи зұлматты бастан кешіп, бірақ татулықты жоймаған ел бүгінде іргесі мықты мемлекетке айналды. Бұның барлығы - елдің жүрегінің мейірім мен ізгілікке толы болғанының арқасы. Көктемнің алғашқы шуақты күні - Алғыс айту күні біздің болашақта бірге болуымызға, бейбіт заман орнатуымызға жол ашады, әрі нығайтады. Біз бірліктің арқасында кемел болашаққа қадам жасайсымз. Қазақстанның басты байлығы - бірлік. Барлығыңызды шын жүректен құттықтаймын! Әсіресе, жатты бауырына тартып, жүздеген ұлтқа қамқор болған қазақ ұлтына алғыс білдіремін!»,- деді Юрий Шумаев.