16:00, 13 Қыркүйек 2020 | GMT +6
Калифорниядағы атыс: шерифтің екі орынбасары жарақат алды
НҰР-СҰЛТАН. ҚазАқпарат – Сенбі күні Лос-Анджелес округі аумағында болған атыс кезінде шерифтің екі орынбасары оқ жарақатын алды, деп жазады ҚазАқпарат шериф кеңсесінің Twitter-дегі жазбасына сілтеме жасап.
«Шерифіміздің екі орынбасары Комптонда (Лос-Анджелес округіндегі қала, Калифорния) оқтан жарақат алып, жергілікті ауруханаға жеткізілді. Екеуінің де жағдайы ауыр, өмір үшін күресіп жатыр», – делінген хабарламада.
Кеңсенің хабарлауынша, зардап шеккендер торуылдан шабуыл жасаған кезде патрульдік көлікте отырған. Шерифтің екі орынбасарының да жағдайы ауыр, оларға операция қажет болды.
Патрульдік көлікке шабуыл жасағандар әлі анықталған жоқ.