Канада елшісі Қазақстандағы дипломатиялық қызметін аяқтады
Кездесу барысында сұхбаттасушылар Қазақстан мен Канада арасындағы сауда-экономикалық өзара іс-қимылдың маңызды салалары - ауыл шаруашылығы және жер қойнауын пайдалану, академиялық алмасу, сондай-ақ KazAid және CIDA екі елдің халықаралық даму агенттіктері арасындағы ынтымақтастықты атап өтті.
Тараптар 2021 жылғы наурызда екі елдің сыртқы саяси ведомстволары басшыларының орынбасарлары деңгейіндегі саяси консультацияның табысты өткеніне тоқталды.
Осы тұрғыда елшінің екіжақты саяси, сауда-экономикалық және мәдени-гуманитарлық қатынастарды дамытуға қосқан елеулі үлесі атап өтілді.
Н.Бруссо Канаданың Қазақстандағы елшісі қызметінде төрт жыл қызмет атқарды, осы жылдар ішінде көптеген салаларда екіжақты байланыс нығайды.
Канада Қазақстанның 10 ірі шетелдік инвесторының қатарына ене отырып, бүгінгі күнге дейін 6 млрд АҚШ долл. астам көлемде елімізге инвестиция салды.
Н.Бруссоның екіжақты байланыстарды дамытуға қосқан жеке үлесін ескере отырып, канадалық дипломатқа ҚР Президентінің Алғыс хаты табыс етілді.