Қанша мұғалім мен күш құрылымдардың қызметкеріне вакцина салынғаны белгілі болды

НҰР-СҰЛТАН. ҚазАқпарат – ҚР ДСМ санитарлық-эпидемиологиялық бақылау комитетінің төрағасы Айжан Есмағамбетова елімізде қанша мұғалім мен күш құрылымдардың қызметкеріне КВИ-ге қарсы вакцина салынғанын мәлім етті, деп хабарлайды ҚазАқпарат тілшісі.

Ұқсас жаңалықтар

Түркістан облысы әкімінің орынбасары жаппай вациналау барысымен танысты

Қарағандыда 15 конфессияның өкілдері вакцинация пунктінде екпе алды Қазақстанда вакциналарды тексеруге ерекше мән берілген - ғалым Қарағандыдағы шахташылар көшпелі бригадаларда вакцина алып жатыр

Өңірлерге вакцинаның екінші партиясын жеткізу жүріп жатқанына тоқталған ол, жалпы медицина қызметкерлерін вакциналау жалғасып жатқанын айтты.

«Педагогтарды вакциналау да басталды. Бүгін таңертеңгі жағдай бойынша 458 педагогқа екпе жасалды», - деді Айжан Есмағамбетова.

Бұдан бөлек қазіргі кезде ол күш құрылымдарының 275 қызметкеріне вакцина жасалғанын нақтылады.

«Күш құрылымдардың арасында вакцинадан бас тарту оқиғалары тіркелмеді», - деді комитет басшысы.

Бұдан бұрын хабарланғандай, брифинг барысында Қазақстанда салынатын медициналық нысандар туралы айтылды.

5 жылда 487-ден астам жаңа МСАК объектілері салынады және осы 2021 жылы 211 нысанның құрылысы жоспарлануда, оның ішінде 83 медициналық пункт, 70 фельдшерлік-акушерлік пункт, 57 дәрігерлік амбулатория және 1 емхана қамтылады.