Қарағанды облысында бизнесті дамытуға 4,1 млрд теңге бөлінді

ҚАРАҒАНДЫ. ҚазАқпарат – 2021 жылы Қарағанды облысында «Бизнестің жол картасы - 2025» мемлекеттік бағдарламасын жүзеге асыруға 4,1 млрд теңге бөлінді, бұл өткен жылмен салыстырғанда 1,5 есеге артық, деп хабарлайды ҚазАқпарат.

Өңір әкімдігінің ақпаратына сүйенсек, бұл субсидиялар, кепілдіктер мен гранттар түрінде 400 кәсіпкерді қолдауға мүмкіндік береді.

«Сондай-ақ, биыл «Бастау Бизнес» жобасы бойынша 1 500 адамды оқыту жоспарлануда. «Еңбек» және «Қарапайым заттар экономикасы» бағдарламалары бойынша 420 жоба қаржылай қолдау табады.

Бизнесті қолдаудың мемлекеттік бағдарламаларын іске асырудың арқасында 2021 жылы 2 500 жұмыс орны құрылады», - делінген мәліметте.