Қарағанды облысында ЭКҰ-дан өткен жұптар саны үш есе артты

Оларды төлеуге медициналық сақтандыру қоры 24,8 млн теңге бағыттады, өткен жылдың ұқсас кезеңінде ЭКҰ жеті әйелге жасалып, 6,418 млн теңге жұмсады.

Таңдалған хаттама мен технологияға байланысты бір рәсімнің құны 950 мыңнан 1,1 млн теңгеге дейін жетеді.

Өткен жылы Қарағанды облысына ЭКҰ-ға 532 квота бөлінді, оның ішінде 107-сі өңірдегі жалғыз «Ақжан» экстракорпоралдық ұрықтандыру клиникасында жасалды. Медициналық сақтандыру қоры осы көмекті төлеуге 99,6 млн теңге жұмсады. ЭКҰ-ның 107 рәсімінің 47-сі (43,9%) аяқталды – бұл әлемдік стандарттар деңгейіндегі жақсы көрсеткіш. ЭКҰ процедурасының көрсеткіштері негізінен бедеулік болды: 50 науқаста – әйелдер факторы бойынша, 57-де – ерлер факторы бойынша.

«Еліміздің тоғыз өңірінен 19 медициналық ұйым Қазақстанда ЭКҰ қызметтерін жеткізушілер болып табылады, олардың бірі Қарағанды облысында. Науқастар өмір сүру аймағына қарамастан, ұрықтандыру клиникасын өздері таңдай алады. ЭКҰ қызметтерін көрсететін жеткізушілердің тізімімен Қордың fms.kz ресми сайтында, «пациент үшін» бөлімінде, одан әрі «емхананы таңдау» деген бөлімді басып, танысуға болады», – деді медициналық сақтандыру қорының Қарағанды филиалының директоры Фазыл Копобаев.

Естеріңізге сала кетейік, экстракорпоралдық ұрықтандыру рәсімі бұрын тегін медициналық көмектің кепілдік берілген көлемі шеңберінде жүргізілген болатын. Алайда, қаржыландыру мардымсыз болды, Қазақстанда жылына шамамен 900-1000 квота бөлінді. 2021 жылдан бастап «Аңсаған сәби» бағдарламасы жүзеге асырылуда. Бұл квота санын жеті есеге – жылына 7 мыңға дейін арттыруға мүмкіндік берді. Процедура МӘМС тізбесіне кіреді, сондықтан сақтандырылған пациенттер оны тегін өте алады.