17:27, 20 Тамыз 2020 | GMT +6
Қарағанды облысында Таймас батыр кесенесі қалпына келтірілді
ҚАРАҒАНДЫ. ҚазАқпарат - Қарағанды облысындағы Абай ауданында Таймас батыр кесенесін қалпына келтіру аяқталды. Тарихи нысан мемлекет қарауына алынған және «Қасиетті Қазақстан» жобасына енгізілген, деп хабарлайды ҚазАқпарат өңір басшысының ресми сайтына сілтеме жасап.
Таймас батыр Кенесары хан жасақтары басшысының бірі болды. Қолбасшы өзінің ерліктерімен Ұлы даланың даңқын шығарды.
Кесенені қалпына келтіру «Рухани жаңғыру» бағдарламасы бойынша жасалды. Қалпына келтіру кезінде нысанның сәулеттік тарихи көркі сақталды. Жергілікті ақсақалдар мен зиялылар қауымы жұмысты оң бағалады.
- Таймас батыр - ұлт-азаттық қозғалыста сансыз көп әскердің саяси жетекшісі ғана емес, сонымен бірге Алтай өңірінің Қареке биі болды. Бұл туралы түрлі дереккөздегі тарихи фактілер айғақтайды, - деп атап өтті тарихшы Темірғали Аршабеков.
