10:03, 17 Қаңтар 2021 | GMT +6
Қарағандыдағы көпқабатты үйде 7 адам иіс тиіп уланды
ҚАРАҒАНДЫ. ҚазАқпарат – Қарағанды қаласында генератордың ақауы салдарынан 7 адам иіс тиіп уланды, деп хабарлайды ҚазАқпарат ekaraganda.kz сайтына сілтеме жасап.
Қарағанды олблыстық Төтенше жағдайлар департаментінің мәліметінше, 16 қаңтар күні сағат 20.45-те Қарағандыдағы Кемеровская, 97 мекенжайынан (5 қабатты үй) белгісіз газға уланған 67 жастағы әйел ауруханаға жеткізілді. Сондай-ақ тағы 6 адам медициналық көмекке жүгінген.
Алдын ала болжам бойынша, уытты газ үйдің жертөлесінде жұмыс істеп тұрған генератордан шыққан.