Карантин: ШҚО-да жыл басынан бері 7 мыңға жуық рейд жүргізілді

ӨСКЕМЕН. ҚазАқпарат – Шығыс Қазақстан облысында 2021 жылдың басынан бері карантин талаптарының сақталуын тексеру үшін 7 мыңға жуық рейд жүргізілді, деп хабарлайды ҚазАқпарат тілшісі.

Ұқсас жаңалықтар

Израильде көшеде міндетті түрде маска тағып жүру ережесі күшін жойды

Коронавирус: Иорданияда вирус жұқтырғандар саны азая бастады Алматыда коронавирус жұқтырғандар саны артты Өткен тәулікте Қазақстанда коронавирус пен пневмониядан 22 адам қайтыс болды

Осы жылдың 8 ақпанынан бастап Шығыс Қазақстан тұрақты түрде «жасыл» аймақта. Алайда соған қарамастан ҚР және облыстың Бас мемлекеттік санитарлық дәрігерлерінің қаулыларымен бекітілген шектеу шараларын бұзуға қатаң тыйым салынған. Аймақ бойынша карантин талаптарының сақталуын қадағалау мақсатында 190 мониторингілік топ жұмыс істеуде.

«2021 жылғы 1 қаңтар мен 7 сәуір аралығында 6832 рейд жүргізіліп, 14703 нысан қамтылды. 2734 нысаннан санитарлық талаптың сақталмауы анықталған. Бұл жалпы тексерілген объектілердің 18,5%-ын құрап отыр», - делінген ШҚО Санитарлық-эпидемиологиялық бақылау департаменті таратқан хабарламада.

Тіркелген бұзушылықтар бойынша 1438 хаттама толтырылып, жалпы сомасы 79 млн теңгеден астам 1382 айыппұл салынған. Оның ішінде лауазымды тұлға – 2, заңды тұлға – 1, жеке кәсіпкер – 38, жеке тұлғалар – 1319.