11:24, 22 Қаңтар 2021 | GMT +6
Қазақ қызы АҚШ мемлекеттік департаментінде басшылық қызметке тағайындалды
ВАШИНГТОН. ҚазАқпарат - Әсел Робертс (Төленова) есімді қазақ қызы АҚШ президенті протоколы басшысының міндетін атқарушы болып тағайындалды. Бұл туралы «ҚазАқпарат» ХАА Ақ үйдің ресми сайтына сілтеме жасап хабарлайды.
Әсел Робертс (Төленова) бұл қызметке 2021 жылдың 20 қаңтарында, Ақ үйге АҚШ-тың жаңа президенті Джо Байденнің келуінен бастап кірісті.
Әсел Робертс (Төленова)1976 жылы Алматыда дүниеге келген. Джорджтаун университетінің түлегі, Әсел АҚШ президенті протоколында 15 жыл бойы жұмыс істеп келеді. Қазақ, орыс және жапон тілін меңгерген. АҚШ азаматы Шон Робертске тұрмысқа шыққанына 20 жыл болды, екеуі Айдин есімді қыз өсіріп отыр.
Фото: facebook.com/Duisenali.Sanzhar