Қазақстан хоккейшілері әлем чемпионатында  тағы да жеңіліп қалды
2022 жылғы 21 мамыр 01:41

Қазақстан хоккейшілері әлем чемпионатында тағы да жеңіліп қалды

НҰР-СҰЛТАН. ҚазАқпарат - Шайбалы хоккейден әлем чемпионатында топ-дивизионда Қазақстан құрамасы бүгін кезекті ойынын Словакияға қарсы өткізді, деп хабарлайды ҚазАқпарат тілшісі.

Бүгінгі кездесу тартысты өтті. Бірінші кезеңде қазақстандық құрама сапынан Кирилл Панюков 15, Дмитрий Шевченко 17-минуттарда мергендік танытса, оған словакиялық Андрей Коллар бір шайбамен ажуап қайырды.

Екінші кезеңде словакиялық құрама қатарынан үш шайба соғып кетті. Олардың қатарынан Мартин Фегервары 29, Адам Лишка 33, Юрай Слафковски 34-минуттарда көздеген нысанадан мүлт кеткен жоқ.

Үшінші кезеңді қазақстандық хоккейшілер сәтті бастады. Ойынның 43-минутта Кирилл Панюков тағы бір мәрте гол соғыпғ есеп айырмасын қысқарта түсті. Кездесуде Қазақстан құрамасы қарсыласына 3:4 есебімен есе жіберді.

Енді олар алдағы ойынын 22 мамырда Германияға қарсы өткізеді.

Айта кетсек, әлем чемпионаты 13-29 мамыр аралығында Финляндияның Хельсинки және Тампере қалаларында өтіп жатыр

Қазақстан құрамасы А тобында сынға түсуде. Қарсыластары - Канада, Словакия, Германия, Дания, Швейцария, Италия және Франция.

Еске салсақ, бұдан бұрын қазақстандық хоккейшілер Дания, Франция, Швейцария және Канада құрамаларынан жеңілді.



Ұқсас жаңалықтар

Jańalyqtar

MURAǴAT