Қазақстан мен Оңтүстік Корея ақпарат агенттіктерінің басшылары ынтымақтастық перспективаларын белгіледі
«ҚазАқпарат» ХАА Бас директоры Асқар Умаров пен «Рёнхап» басшысы Чо Сонг бу (Cho Sung-boo) бірлескен жобаларды іске асыру жоспарлары мен перспективаларды белгілеп, ынтымақтастық туралы меморандумның шарттарын жаңалады. Келіссөз кезінде екі агенттік арасындағы экономикалық ақпараттар блогын кеңейту және осы бағыттағы деректер алмасуды кеңейтудің жобасы ұсынылды.
Чо Сонг бу мырза Қазақстан зор жетістіктерге жетіп отырғанын, әрі ақпараттық, әрі мәдени-гуманитарлық бағыттарда өзара тиімді ынтымақтастық жасау үшін маңызды ел екенін айтты.
«ҚазАқпарат» ХАА Бас директоры Асқар Умаров Оңтүстік Кореяның бүгінгі жетістіктеріне қуанатынын тілге тиек етті.
Тараптар халықаралық ынтымақтастықты қолдауға және ақпараттық кеңістіктегі бірлескен жобаларды дамытуға келісті.