Қазақстан мұнай өндіруді арттырады
Отырысқа Қазақстан атынан Энергетика министрі Мағзұм Мырзағалиев қатысты.
М.Мырзағалиев Қазақстанның ОПЕК+ келісіміне беріктігін және өз міндеттемелерін орындауға дайындығын растады.
Сондай-ақ Энергетика министрі Қазақстан алдағы айларда өндірісті одан әрі біртіндеп арттыратынын атап өтті.
«Отырыс қорытындысы бойынша ОПЕК+ елдерінің ағымдағы өндіру деңгейін келісімге қатысушылар шектеулерді алып тастағанға дейін ай сайын тәулігіне 400 мың баррельге ұжымдық арттыру туралы шешім қабылданды.
Осылайша, ОПЕК+ шеңберінде Қазақстан үшін квота қазанда тәулігіне 1,524 млн баррельді құрайды және ай сайын өндіру орташа есеппен тәулігіне 16 мың баррельге артатын болады», - делінген ведомство хабарламасында.
Мәлім етілгендей, Қазақстан үшін квота қарашада тәулігіне 1,540 млн баррель болып белгіленген.