14:32, 07 Сәуір 2020 | GMT +6
Қазақстан Орталық Азия елдеріне гуманитарлық көмек көрсетуге әзір
НҰР-СҰЛТАН. ҚазАқпарат - Қазақстан Орталық Азия елдеріне гуманитарлық көмек көрсетуге әзір. Мемлекет басшысы Қасым-Жомарт Тоқаев осылай мәлім етті, деп хабарлайды ҚазАқпарат.
«Орталық Азия елдерімен өзара ниеттестік белгісі ретінде Қазақстан мұқтаж елдердің үкіметтері жәрдем сұраған жағдайда гуманитарлық көмек көрсетуге әзір», деп жазды Президент Қасым-Жомарт Тоқаев Twitter -дегі парақшасында.
Еске сала кетсек, Мемлекет басшысы «Continental Logistics» көлік-логистикалық орталығына барып, елорда мен өңірлерге азық-түлік жеткізу жұмыстарымен танысқан болатын.