+7 (701) 759 90 19
USD 420.65 EUR 505.03
RUB 5.64 CNY 65.01
Jańalyqtar

Қазақстанда банк, ломбард және басқа да қаржы ұйымдарының жұмыс режимі өзгерді

2021 жылғы 19 қаңтар 20:18
Бөлісіңіз:
Қазақстанда банк, ломбард және басқа да қаржы ұйымдарының жұмыс режимі өзгерді

АЛМАТЫ. ҚазАқпарат - Ұлттық банк пен Қаржы нарығын реттеу және дамыту агенттігі бүгін қаржы нарығы субъектілерінің жұмыс режимін өзгерту туралы бірлескен бұйрық шығарды. Осылайша «қызыл», «сары» және «жасыл» аймақтарда қаржы ұйымдарына келетін адам санына шектеу қойылды, деп хабарлайды ҚазАқпарат тілшісі.

Ұқсас жаңалықтар
Елорда бас санитарының жаңа қаулысы: Неге рұқсат беріледі AsiaCredit Bank салымшыларына 13 млрд теңге төленді Кәсіпкерлік субъектілерінің банк шоттарынан қолма-қол ақшаны алуға шектеулер енгізілді

Бұл екінші деңгейлі банктерге, резидент емес банктердің филиалдарына, айырбастау пункттеріне, ипотекалық ұйымдарға, сақтандыру ұйымдарына, сақтандыру брокерлеріне, несиелік серіктестіктер мен ломбардтарға, төлем ұйымдары мен коллекторлық агенттіктерге қатысты.

Бұйрық Қазақстан Республикасы азаматтарының өмірі мен денсаулығын қорғау, сондай-ақ коронавирус инфекцияның таралуына жол бермеу мақсатында қабылданды.

Бұйрыққа сәйкес, қызметтер барынша онлайн режимде көрсетілуі керек.

«Қызыл» аймаққа» жататын өңірлерде күшейтілген санитариялық-дезинфекциялық режим шаралары қатаң сақталуы тиіс.

Сондай-ақ қызметкердердің 60% қашықтан жұмыс істеуге ауысады.

«Сары» және «жасыл» аймақтарда – халыққа қызмет көрсеткен кезде күшейтілген санитариялық-дезинфекциялық режим шараларын қатаң сақтаған жағдайда, өндірістік қажеттілік кезінде қашықтан жұмыс істеу нысанына филиалдың штат санының кемінде 30% ауысады.

«Екінші деңгейдегі банктер клиенттер операцияларын өңдеуді жүзеге асыратын қызметтердің жұмысын ұйымдастыруды және банкоматтардың, терминалдардың, интернет-банкингтің, мобильдік банкингтің және басқа да клиенттердің банктік шоттарын қашықтан басқару жүйелерінің, инкассаторлық қызметтің, call-қызметтің, төлем карталарын жеткізу қызметінің, сондай-ақ олардың ұйғаруы бойынша басқа қызметтердің үздіксіз жұмыс істеуін қамтамасыз етсін. Сонымен қатар, екінші деңгейдегі банктер және айрықша қызметі банкноттарды, монеталарды және құндылықтарды инкассациялау болып табылатын заңды тұлғалар экономика субъектілері мен халықты қолма-қол ақшамен қамтамасыз ету бойынша үздіксіз қызметті, оның ішінде банкоматтарды қолма-қол ақшамен уақтылы толықтыруды және олардың кідіріссіз жұмысын жүзеге асыруды қамтамасыз етуі тиіс» делінген бұйрықта.

Ұлттық банк пен агенттіктің бірлескен бұйрығы 2021 жылдың 19 қаңтарында күшіне енді және ҚР бас мемлекеттік санитар дәрігерінің қаулысында көрсетілген шектеу шаралары алынғанға дейін күшінде болады.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT