+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Қазақстанда дәнді және дәнді-бұршақты алқаптардың 49 %-дан астамы жиналды

2021 жылғы 14 қыркүйек 20:02
Бөлісіңіз:
Қазақстанда дәнді және дәнді-бұршақты алқаптардың 49 %-дан астамы жиналды

НҰР-СҰЛТАН. ҚазАқпарат – Биыл егін жинау науқаны уақтылы басталды және бүгінде республика бойынша барлығы 7,9 млн.га дәнді және дәнді-бұршақты дақылдар немесе жалпы жинау алаңының 49,4% жиналды, деп хабарлайды ҚазАқпарат ҚР АЩМ баспасөз қызметіне сілтеме жасап.

Ұқсас жаңалықтар
Елімізде 12 млн тонна астық бастырылды - АШМ

Ағымдағы жылы ауыл шаруашылығы дақылдарының жалпы егіс алаңы 23 млн га құрады (бұл 2020 жылмен салыстырғанда 322 мың га артық). Дәнді және дәнді-бұршақты дақылдар 16,1 млн га (оның ішінде бидай – 12,9 млн га), майлы дақылдар-3,1 млн га, көкөніс және картоп – 473,8 мың га, мақта-109,7 мың га, қант қызылшасы –21,7 мың га, жемшөп дақылдары-3,2 млн га алқапта орналастырылды.

Орташа өнімділік гектарына 8,0 центнерді құрап, 6,3 млн тонна астық бастырылды.

Егін жинау жұмыстары басталатын уақытқа ауыл шаруашылығы тауарын өндірушілер барлық қажетті техниканы дайындаған.

Жалпы, егін жинау жұмыстарын жүргізу үшін республикада 141,7 мың трактор, 73,5 мың трактор тіркемесі, 36,9 мың астық жинайтын комбайн, 12,8 мың дестелегіш бар.

Егін жинау жұмыстарын уақытылы жүргізу үшін ауыл шаруашылығы тауарын өндірушілер 396,5 мың тонна жеңілдетілген дизель отыны бөлінді. Энергетика министрлігімен бірлесіп, облыс операторларын мұнай өңдейтін зауыттарға(МӨЗ) бекіту кестесі бекітілді. Осы жылдың 2 қыркүйегіндегі жағдай бойынша кестеге сәйкес шілде-қазан айларына жоспарланған 396,5 мың тоннаның 173,4 мың тоннасы (44%) тиеп-жөнелтілді.

Энергетика министрлігі МӨЗ – мен 156 теңге/литр (189,0 мың теңге/тонна) бағасын белгіледі, операторлардың жеткізуін ескере отырып, өңірлерде орташа баға 177 теңге/литрді құрайды, бұл нарықтық бағадан 11% - ға арзан (ЖҚС-198 теңге/литр).

Республикада астықты сақтаудың жалпы сыйымдылығы 28,8 млн тонна, оның ішінде астық қабылдау кәсіпорындарында 12,0 млн тонна, ауыл шаруашылығы тауарын өндірушілерде 16,8 млн. тоннаны құрайды. Көрсетілген сақтау сыйымдылығы өткен жылдан қалған астық көлемдерін ескере отырып, жаңа егінді сақтау үшін жеткілікті.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT