Қазақстанда энергия беруші ұйымдарды ірілендіру тетігі анықталды
Ведомство басшысының сөзіне қарағанда, өңірлік электржелілік компанияларды ірілендіруге бағытталған жұмыс жүргізіліп жатыр. Бүгінгі таңда энергия беруші ұйымдарды ірілендіру үшін кезең-кезеңмен енгізілетін талаптар белгіленді. Қабылданған шаралар талаптарға сәйкес келмейтін энергия беруші ұйымдарды өзара немесе өңірлік электр желілік компаниялармен біріктіру арқылы ірілендіру, сондай-ақ электр энергиясын беру жөніндегі қызметін тоқтату үшін ынталандыруға бағытталған. Күтілетін нәтиже – энергия беруші ұйымдар санын 30 пайызға, яғни 162-ден 110-ға дейін қысқарту.
Сондай-ақ министр иесіз желілердің ұзындығы 2017 жылы 2 350 шақырымнан 2019 жылы 225 шақырымға дейін қысқарғанын атап өтті.
«Бұл ретте жергілікті атқарушы органдар жүргізген жұмыстар аясында жаңа иесіз нысандар анықталуда. Жүргізілген жұмыстардың нәтижесінде көрсетілетін қызмет сапасының артуы байқалды», - деді ол.