Қазақстанда тарифтерді бекітуді реттейтін орган құрыла ма - вице-премьер жауабы
«2007 жылдың 30 қарашасында Үкіметтің №1153 қаулысымен тәуелсіз салалық реттеушілер құру тұжырымдамасы қабылданғаннан кейін тарифтік және техникалық реттеу қызметтерін біріктіретін тәуелсіз салалық реттеушілер құру жұмысы жүргізілді. Аталған жұмыс бәсекелестікті дамытуға, тариф қалыптастырудың теңгерімді жүйелерін құруға, саланың инвестициялық тартымдылығын арттыруға, негізгі қорларды жаңғыртуға бағытталған. Осылайша, бірыңғай тарифтік реттеушіні құру уақыты келген жоқ», - деді Роман Скляр.
Айта кетерлігі, Мәжіліс депутаттарының сауалында Энергетика және Ұлттық экономика министрліктерінің бірқатар қызметтерін біріктіретін бірыңғай орган құру, оған тұрғын үй-коммуналдық шаруашылық тарифтерін бекіту бойынша реттеуші қызметін беру мәселесі көтерілген болатын. Сондай-ақ депутаттар жаңадан құрылатын органды Президент бақылауына беруді де ұсынған еді.