+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Қазақстандық құрылыс материалдарын тиімді бағада алу үшін онлайн платформа құрылды

2021 жылғы 25 ақпан 14:48
Бөлісіңіз:
Қазақстандық құрылыс материалдарын тиімді бағада алу үшін онлайн платформа құрылды

НҰР-СҰЛТАН. ҚазАқпарат – Тұрғын үй құрылысындағы қазақстандық құрылыс материалдары үлесін ұлғайту үшін арнайы онлайн-платформа әзірленді, деп хабарлайды ҚазАқпарат тілшісі.

Ұқсас жаңалықтар
СҚО-да жыл басынан бері 25 мың шаршы метр тұрғын үй пайдалануға берілді Алматының «Жас қанат» шағынауданында көпқабатты үйлердің құрылысы басталды Биыл Нұр-Сұлтанда 7 мың үлескер баспаналы болады

«Қазіргі уақытта Қазақстан тұрғын үй компаниясы «Нұрлы жер» бағдарламасына сәйкес тұрғын үй құрылысындағы қазақстандық құрылыс материалдарының үлесін ұлғайту үшін онлайн-платформаны (құрылыс материалдары маркетплейсі) дамытып жатыр. Онлайн алаңда елдегі барлық қазақстандық құрылыс материалдарын өндірушілер өз өнімдері туралы ақпаратты орналастыра алады, ал құрылыс компаниялары қажетті қазақстандық материалдарды делдалсыз ең тиімді бағамен сатып ала алады», - деді «Қазақстан Тұрғын үй Компаниясы» АҚ басқарма төрағасының орынбасары Алтай Күздібаев Орталық коммуникациялар қызметінде өткен онлайн баспасөз мәслихатында.

Спикердің айтуынша, 2020 жылдың бірінші кезеңінде «Нұрлы жер» бағдарламасы бойынша салынып жатқан 106 жылжымайтын мүлік нысанының электронды сметаларына талдау жасалған. Электронды сметалардың парсинг алгоритмі жасалған және «Нұрлы жер» ахуалдық орталығында құрылыс материалдарының барлық қажеттілігі есептелген. Қазіргі уақытта 106 нысанның құрылыс материалдарына сұранысы 51,4 млрд теңгені құрайды.

«Сондай-ақ, біз «Нұрлы жер» бағдарламасы бойынша құрылыс компанияларының құрылыс материалдарына қажеттіліктері бойынша онлайн витрина жасадық. Онда қазақстандық құрылыс материалдарын өндірушілер сұранысты көре алады және қажет болған жағдайда тіркеуден өткен құрылыс компанияларына коммерциялық ұсыныстар жібере алады. Құрылыс компаниялары жеке кабинетіне құрылыс материалдарын өндірушілерден коммерциялық ұсыныстар түскені туралы хабарлама алады және сол жерде коммерциялық ұсыныстар қарастыруға, таңдауға мүмкіндік алады», - дейді А. Күздібаев.

Қазіргі уақытта онлайн-витрина www.stroimaterial.kz адресі бойынша тестілеу режимінде іске қосылған.

Айта кетейік, 2020 жылдың қорытындысы бойынша елімізде 15,3 млн шаршы метр немесе 140 мың тұрғын үй пайдалануға берілген. Бұл 2019 жылғы кезеңнен 17% жоғары.

https://www.inform.kz/kz/otken-zhyly-14-myn-kazakstandyk-zhenildetilgen-ipoteka-aldy_a3757620

Бұған дейін «Отбасы банк» АҚ орталық филиалының директоры Жансұлтан Матай «Мемлекеттік бағдарламалар бойынша тұрғын үй бағасы қымбаттай ма?» деген сұраққа жауап берген еді.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT