16:50, 25 Ақпан 2021 | GMT +6
Қазақстандық шаңғышылар әлем чемпионатында спринт бойынша іріктеуден аса алмады
НҰР-СҰЛТАН. ҚазАқпарат - Германияның Оберстдорф аймағында шаңғы спорты түрлерінен әлем чемпионаты өтіп жатыр. Дүниежүзілік біріншілік аясында бүгін шаңғышылар жарыс жолына шықты, деп хабарлайды Olympic.kz.
Бүгін, 25 ақпан күні әйелдер мен ерлер арасында спринт бойынша бәсекелер өтті. Нәтижесінде, Қазақстан құрамасынан ешкім іріктеу кезеңінен аса алмады.
Құрама мүшесі Константин Борцов 54-ші, Олжас Климин 60-шы, ал Виталий Пухкало 61-ші болып мәре сызығын кесті.
Норвегиялық Йоханнес Клебо іріктеу кезеңі бойынша көш бастап тұр. Ал әйелдер арасында Анна Шевченко 52-ші, Дарья Ряжко 53-ші, Ангелина Шурыга -61-ші, ал Аиша Ракишева 65-ші нәтижені көрсетті.
Әйелдер арасында швед қызы Йоханна Хагстрем іріктеу кезеңі бойынша алда тұр.