Қазақстанның екі облысындағы жолдарда көлік қозғалысы шектелді

НҰР-СҰЛТАН. ҚазАқпарат – Наурыздың 3-і күнгі ақпарат бойынша Қазақстанның екі облысындағы жолдарда көлік қозғалысына тыйым салынды, деп хабарлайды ҚазАқпарат ҚР Индустрия және инфрақұрылымдық даму министрлігінің Telegram каналына сілтеме жасап.

Ұқсас жаңалықтар

Алматы жолдарының сапасы тексеріле бастады

Қостанай облысында мұз басып қалған трасса толығымен тазартылды Армениядан әкелінген көліктерге екі рет салық салынбайды Қазақстанда техникалық ақауы бар көлікті пайдалану көбейді

Министрлік таратқан мәліметтерге қарағанда, 3 наурыз күні Нұр-Сұлтан уақыты бойынша сағат 00:45-те ауа райына байланысты Ақтөбе облысында «Самара-Шымкент» тас жолының 526-615 шақырымында, нақтырақ айтқанда Батыс Қазақстан облысы мен Қобда ауылының аралығындағы жол бөлігінде барлық көлік түрлерінің қозғалысына тыйым салынды.

Сондай-ақ «Самара-Шымкент» трассасының 265-526 шақырымында, нақтырақ айтқанда Подстепное ауылы мен Ақтөбе облысының шекарасы аралығында барлық көлік түрлеріне жүруге болмайды.