14:44, 14 Қаңтар 2020 | GMT +6
Қазақстанның үш өңірінде күн бұзылады
НҰР-СҰЛТАН. ҚазАқпарат - Ауа райының бұзылуына байланысты Қазақстанның бірқатар өңірінде ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
15 қаңтарда Қостанай облысының кей жерлерінде бұрқасын болады, тұман түсіп, солтүстік-батыстан жел соғады, жел жылдамдығы 15-20 м/с жетеді.
15 қаңтарда Ақмола облысында қар жауады. Кей жерлерде боран соғып, көктайғақ күтіледі. Оңтүстік-батыстан соққан жел солтүстік-батысқа ауысады, кей жерлерде жел қарқыны - 15-20 м/с.
15 қаңтарда Солтүстік Қазақстан облысының кей жерлерінде бұрқасын көтеріледі, тұман түседі. Оңтүстік-батыстан және батыстан соққан желдің жылдамдығы 15-20 м/с дейін күшейеді.
Осы күні Петропавл қаласында бұрқасын көтеріледі. Оңтүстік-батыстан және батыстан жел соғады, күндіз жел екпіні - 15-20 м/с.