+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Қазақтың «Тақиялы періштесі» өмірден озды

2021 жылғы 19 қаңтар 10:29
Бөлісіңіз:
Қазақтың «Тақиялы періштесі» өмірден озды

ТАЛДЫҚОРҒАН. ҚазАқпарат - Қалың көпшілікке «Тайлақ» есімімен танылған «Тақиялы періште» фильмінің бас кейіпкері өмірден озды, - деп хабарлайды ҚазАқпарат тілшісі.

Ұқсас жаңалықтар
Қостанай облысында кітапханалар мен музейлердің қызметіне рұқсат берілді Көкшетауда «Жас дарын» музыканттар байқауы облыстық кезеңнің жеңімпаздары анықталды Наманганнан Қожа Ахмет Ясауи шежіресінің бір үлгісі мен мөрі табылды

Иісі қазақ сүйсініп көретін «Тақиялы періште» фильмінің бас кейіпкері, аты аңызға айналған актер, Қазақстан Республикасының Мәдениет қайраткері, Алматы облысының Құрметті азаматы Әлімғазы Райынбеков өмірден озды.

Әлімғазы Сұмағұлұлы 1936 жылы 1 желтоқсанда Алматы облысында дүниеге келген. Алғашқы еңбек жолын ауылда жүргізуші болып бастаған. 1965 жылы алғашқы «Ән қанатында» фильмінің спорттық іс-шараларына шақырту алады. 1966 жылы «Қилы кезең» фильміне түседі.

1968 жылы қазақ киносының алтын қорынан ойып тұрып орын алған «Тақиялы періште» (режиссері Шәкен Айманов) кинофильміндегі Тайлақтың рөлін сомдайды. Осы кезден бастап жұртшылыққа кеңінен танылады. Бұдан бөлек, «Көгілдір такси», «Қан мен тер» секілді оннан аса кинофильмге түскен. Бірнеше мерекелік медаль мен Құрмет грамоталарын алған. Алматы облысы Көксу ауданының да Құрметті азаматы.

Әлімғазы Райынбеков өмірінің соңына дейін қоғамдық жұмыстарға белсене араласып, жас ұрпақты тәрбиелеуге үлкен үлес қосты. Кез келген іс-шараларда ақ батасын беріп, ел амандығын тілеп жүретін, немере-шөберелеріне үлгілі азамат еді.

Әлімғазы Райынбековті туған жерінде жерлейді. Ақтық сапарға шығарып салу рәсімі Көксу ауданы, Еңбекшіқазақ ауылында ертең өтеді. Бұл жөнінде марқұмның балалары хабарлады.

Әлімғазы Райынбеков 10 баланың әкесі. Бес ұл, бес қыз тәрбиелеп өсірген арда тұлғаның жарқын бейнесі халқының жүрегінде сақталады.


Фото:qazaqstan.tv
Біздің каналымызға жазылыңыз:

Бөлісіңіз:

Автор:

Самал Қабышева

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT