+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

«Көкшетау жылу» коммуналдық кәсіпорны 4 млн теңге айыппұл төлейді

2021 жылғы 24 ақпан 12:48
Бөлісіңіз:
«Көкшетау жылу» коммуналдық кәсіпорны 4 млн теңге айыппұл төлейді

КӨКШЕТАУ. ҚазАқпарат - Табиғи монополияларды реттеу комитетінің Ақмола облысы бойынша департаменті «Көкшетау Жылу» кәсіпорнына қатысты бұзушылықты анықтады, деп хабарлайды ҚазАқпарат тілшісі Комитетке сілтеме жасап.

«ҚР «Табиғи монополиялар туралы» Заңының 26-бабының 2-тармағының 8) тармақшасына сәйкес, табиғи монополия субъектісі үлгі шарттарға сәйкес реттеліп көрсетілетін қызметтердің әрбір түріне тұтынушылармен жеке шарттар жасасуға міндетті.

Алайда, жоғарыда аталған заң нормаларын бұза отырып, «Көкшетау Жылу» коммуналдық кәсіпорны тұтынушылармен жылу энергиясымен жабдықтау бойынша қызмет көрсетуге шарт жасасқан жоқ.

Осылайша, «Көкшетау Жылу» коммуналдық кәсіпорнының іс - әрекетінде Қазақстан Республикасының «Әкімшілік құқық бұзушылық туралы» Кодексінің 164-бабының 4-бөлігінде көзделген бұзушылық анықталды», - деді ведомстводан.

Осыған байланысты, ҚР «Табиғи монополиялар туралы» Заңының 26-бабында көзделген міндетті орындамағаны үшін «Көкшетау Жылу» коммуналдық кәсіпорны әкімшілік жауапқа тартылды.

Бұл ретте, ҚР ӘҚбК-нің 164-бабының 4-бөлігі ірі кәсіпкерлік субъектілеріне бір мың алты жүз айлық есептік көрсеткіш мөлшерінде, яғни 4 667 200 теңге сомасында айыппұл салу қаралған.

Алайда, «Көкшетау Жылу» коммуналдық кәсіпорны заң бұзушылықпен келісіп, қысқартылған тәртіпте 2 333 600 теңге көлемінде айыппұл төледі.



Біздің каналымызға жазылыңыз:

Бөлісіңіз:

Автор:

Аслан Оспанов

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT