+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Комитет зейнетақы жинағынан салық қалай алынатынын түсіндірді

2021 жылғы 26 ақпан 11:55
Бөлісіңіз:
Комитет зейнетақы жинағынан салық қалай алынатынын түсіндірді

НҰР-СҰЛТАН. ҚазАқпарат - ҚР ҚМ Мемлекеттік кірістер комитеті зейнетақы төлемдеріне салық салу жөнінде азаматтардан келіп түсіп жатқан өтініштер мен сұрауларға байланысты, қосарланған салық салу туралы алаңдауға негіз бар ма, осыған түсіндірме берді, деп хабарлайды ҚазАқпарат.

Ұқсас жаңалықтар
Мемлекеттік кірістер комитеті зейнетақы алымынан табыс салығы қалай ұсталатынын түсіндірді Павлодар облысында кәсіпорындарға салық төлеуден жалтаруға көмектескен топ ұсталды Атырау облысындағы кәсіпорын 700 млн теңгеден астам салықты төлеуден жалтарған

Агенттер (жұмыс берушілер) жеке тұлғалардан ұстап қалған міндетті зейнетақы жарналарына жеке табыс салығы (ЖТС) салынбайды, дәл осындай тәртіп міндетті кәсіптік зейнетақы жарналарына да қатысты. Зейнетақы жарналарының сомасын ұстап қалу кезінде ЖТС салынбауына байланысты зейнетақы жинақтарының сомасына төлеген кезде бір рет қана салық салынады, тиісінше қосарланған салық салуға жол берілмейді , деді ҚР ҚМ Мемлекеттік кірістер комитетінде.

Сондай-ақ, Мемлекеттік кірістер комитетінде екінші тәсілмен төленетін біржолғы зейнетақы төлемдеріне салық салу тәртібіне қатысты егжей-тегжейлі айтып берді. Бұл тәсіл БЖЗҚ белгілеген кесте бойынша (зейнетақы аудару басталған келесі айдан бастап) 16 жылдан аспайтын мерзім ішінде ай сайын тең үлестермен ЖТС ұстап қалуды көздейді.

Толықтай түсіну үшін бұл тәсілді мысал ретінде қарастыруды ұсынылған.

Мысал келтірейік:

салымшының ЖЗШ-сындағы зейнетақы жинақтарының сомасы = 8 500 000 теңге, жеткіліктілік шегі = 3 500 000 теңге,

біржолғы зейнетақы төлемі = 5 000 000 теңге (8 500 000 -3 500 000),

есептелген ЖТС сомасы = 5 000 000 (толық көлемде) * 10%= 500 000 теңге,

біржолғы зейнетақы төлемі түріндегі кіріс сомасы = 5 000 000 теңге,

ЖТС зейнетақыдан келесідей түрде ұсталады:

Есептелген ЖТС сомасы 16 жылға, яғни 192 айға бөлінеді.

Сонымен, 500000/192 = 2604теңге – ай сайын зейнетақыдан кейінге қалдырылған ЖТС сомасы ұсталатын болады.

«Егер жеке тұлға Қазақстан Республикасынан тыс жерлерге тұрақты тұруға кетуге немесе зейнетақы жинақтарының сомаларын сақтандыру ұйымдарына аударуға шешім қабылдаса, онда кейінге қалдырылған жеке табыс салығының сомасы толық біржолғы төлеммен ұсталатын болады.

Егер жеке тұлға қайтыс болса – осы жеке тұлғаның мұрагерлерінен мұраға қалған зейнетақы жинақтарынан, кейінге қалдырылған жеке табыс салығының сомасы бір рет ұсталатын болады», - деп толықтырды ҚР ҚМ МКК-нің Баспасөз қызметінде.

Еске салсақ, 2 қаңтарда ҚР Президенті Қасым-Жомарт Тоқаев зейнетақы жинағының бір бөлігін мақсатты пайдалануға қатысты заңға қол қойды.

Қазақстандықтардың зейнетақы жинақтарын пайдалану үшін жаңартылған «жеткіліктілік шегі» жарияланды. Зейнетақы жинағынан алуға болатын сома БЖЗҚ сайтында автоматты түрде көрсетіледі. Бұған дейін де зейнетақы жинағын пайдалану кезіндегі салықты төлеу жолдарын түсіндірілді.


Біздің каналымызға жазылыңыз:

Бөлісіңіз:
Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT