Корея компаниялары сауда саясатынан өңірде болу саясатына көшуі тиіс - Тілеуберді
«Орталық Азия – Оңтүстік Корея» 12-форумының бүгінгі күн тәртібінде техникалық стандарттау, су ресурстарын басқару, ІТ саласында бірлескен жобалаларды жүзеге асыру және жасыл экономика саласындағы ынтымақтастық сынды келешегі зор бағыттар тұр. Техникалық стандарттау саласындағы ынтымақтастық Орталық Азия өңірі мен Корея Республикасы арасындағы өзара іс-қимылдың маңызды аспектісі саналады. Біздің өңірде Samsung, Hyundai, KIA сынды корейлік ірі компаниялар бар. Төртінші өнеркәсіп революциясына көшу дәуіріндегі бізге техникалық стандарттау саласындағы ортақ регламенттерді ұстану қажет. Осыған орай корейлік компаниялардың сауда-сақттық саясатынан өңірде болу саясатына көшу қажеттігін атап өткім келеді»,- деді М.Тлеуберді.
Министрдің атап өтуінше, ортақ техникалық стандарттар корейлік компанияларға Орталық Азия өңірінде өнім шығарып, сатуға мүмкіндік береді.
«Қазақстан Үкіметі оңтүстіккорейлік инвесторлар үшін тартымды жағдай жасау саясатын жалғастыруға ниетті. Қазақстанның Дүниежүзілік сауда ұйымына, Еуразиялық экономикалық одаққа мүше болуы, түркітілдес және Таяу шығыс елдерімен кооперациясы, сонымен қатар мол шикізатының болуы корейлік компанияларға өндірістің толық циклін жолға қоюға жақсы мүмкіндік береді», - деді ол.
Сонымен қатар ол құрғақшылық пен мұздықтардың еруі салдарынан ауыз су ресурстарының түгесілуі Орталық Азия елдері үшін үлкен проблема болуы мүмкін екендігін ескертті.
«Осы тұрғыда Орталық Азия үшін Корея Республикасының су ресурстарын үнемдейтін заманауи технологияларға ие болуы зор қызығушылық тудырады», - деді М.Тілеуберді.