09:58, 03 Мамыр 2021 | GMT +6
Коронавирус: Тағы екі өңір «қызыл» аймаққа кірді
НҰР-СҰЛТАН. ҚазАқпарат - Коронавирусқа қатысты өңірлердегі эпидемиологиялық жағдайды бағалау матрицасы жарияланды, деп хабарлайды ҚазАқпарат.
3 мамырдағы мәлімет бойынша: «қызыл» аймақта – Нұр-Сұлтан, Алматы, Шымкент қалалары, Ақмола, Батыс Қазақстан, Қарағанды, Қызылорда және Павлодар, Жамбыл, облыстары орналасқан.
«Сары» аймақта – Ақтөбе, Шығыс Қазақстан, Маңғыстау, Атырау, Алматы облыстары тұр.
«Жасыл» аймаққа – Түркістан, Қостанай және Солтүстік Қазақстан облыстары енген.
Еске салсақ, Шымкент қаласы 28 сәуірде «қызыл» аймаққа кіріп, кейін «сарыға» ауысқан еді.
Сонымен қатар кеше ғана «сары» аймақта болған Жамбыл облысы «қызылға» өтті.