11:00, 08 Мамыр 2022 | GMT +6
Коронавирусқа қарсы екпе алғандар 10 миллионға жақындады
НҰР-СҰЛТАН. ҚазАқпарат - Өткен тәулікте Қазақстанда коронавирус инфекциясына қарсы вакцинаның бірінші компонентін 9 489 564 адам, екінші компонентін 9 254 951 адам салдырды, деп хабарлайды ҚазАқпарат.
Ведомствоаралық комиссияның баспасөз қызметі жасөспірімдерді, жүкті әйелдерді және бала емізетін аналарды вакцинациялау барысында мәлімдеді.
«Биылғы 7 мамырда Pfizer вакцинасының бірінші дозасын 1 095 335 тұрғын, екінші дозасын 953 900 тұрғын қабылдады. Оның ішінде бірінші компонентімен 833 949 жасөспірім, 38 718 жүкті әйел, 137 699 бала емізетін ана қамтылды. Екінші компанентін жасөспірімдерден – 767 991-і, жүкті әйелдер – 34 039-ы, бала емізетін аналардан 123 717-сі алды», - делінген хабарламада.