08:34, 15 Қыркүйек 2021 | GMT +6
Коронавируспен ауырған 14,3 мың пациент стационарда жатыр
НҰР-СҰЛТАН. ҚазАқпарат – Қазақстанда коронавирус инфекциясына шалдыққандар туралы 15 қыркүйектегі ақпарат жарияланды, деп хабарлайды ҚазАқпарат Денсаулық сақтау министрлігіне сілтеме жасап.
«15 қыркүйектегі мәлімет бойынша 75 685 адам коронавирус инфекциясынан (67 269 КВИ+ және 8 416 КВИ-) емделуде, олардың ішінде 14 335 пациент стационарда жатыр, 61 350 науқас амбулаторияда ем қабылдап жүр», делінген хабарламада.
КВИ+, КВИ- шалдыққандардың арасында - 1 136 адамның жағдайы ауыр, 350 пациенттің жағдайы өте ауыр, 198 науқас ӨЖЖ аппаратында жатыр.