+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Көше сыпырған мұғалімдер: Семей әкімінің орынбасары ондай тапсырма бермегенін айтты

2021 жылғы 18 қазан 16:04
Бөлісіңіз:
Көше сыпырған мұғалімдер: Семей әкімінің орынбасары ондай тапсырма бермегенін айтты

СЕМЕЙ. ҚазАқпарат – Семей қаласы әкімінің орынбасары Дмитрий Гариков мұғалімдерді көше сыпыруға мәжбүрлемегенін мәлімдеді, деп хабарлайды ҚазАқпарат тілшісі.

Ұқсас жаңалықтар

Өткен демалыс күндері қала көшелерінде сенбілік өткен.

Шаһар әкімдігінің мәліметінше, бұл - саябақтарда, жаяу жүргіншілер жолы мен аулаларда тазалықты сақтауға бағытталған қоғамдық шара.

Сенбілікке мыңнан астам адам шыққан. Барлығы 15 көше тазаланды.

«Мұғалімдерді сенбілікке шығаруға ешкім нұсқау берген жоқ. Бұл - әр адамның жеке таңдауы. Сенбілік туралы хат меншік нысанына қарамастан барлық ұйымдарға жіберілді. Өйткені мұндай шараларды өткізу кезінде барлық жерде солай жасалады. Келуді міндеттейтін және бұл күні сабақ өткізбеу туралы сөз болған жоқ», - дейді қала әкімінің орынбасары Димитрий Гариков.

Естеріңізге сала кетсек, осыған дейін әлеуметтік желілерде Семейде мұғалімдердің көше сыпырып жүргені қызу талқыға салынған болатын.

ҚР Білім және ғылым министрі Асхат Аймағамбетов аталған фактіге орай тексеру жүріп жатқанын мәлімдеген еді.



Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT