12:12, 26 Желтоқсан 2019 | GMT +6
Көші-қон заңнамасын бұзған Тәжікстанның үш азаматы елден шығарылды
ШУ. ҚазАқпарат - Көлік полицейлері еліміздің көші-қон заңнамасын бұзған Тәжікстанның үш азаматын ұстады, деп хабарлайды ҚазАқпарат Көліктегі полиция департаментіне сілтеме жасап.
Көлік полицейлері «Мигрант» жедел-алдын алу іс-шарасы аясында Шу стансасында «Нұр-Сұлтан – Сарыағаш» бағытындағы жолаушылар пойызындағы вагондардың бірінде құжат тексеру кезінде 21-22 жас аралығындағы Тәжікстан Республикасының үш азаматын анықтап, ұстады.
«Оларға қатысты ҚР ӘҚБтК 517-бабының 4-бөлігі бойынша әкімшілік хаттама толтырылды» делінген хабарламада.
Құқықбұзушылар Шу аудандық сотының шешімімен елден шығарылды.