Қостанай әкімі Қайрат Ахметов отставкаға кетуі мүмкін
Оның айтуынша, Қостанай облыстық сыбайлас жемқорлыққа қарсы қызметі Қостанай қаласы әкімдігінің жер қатынастары бөлімінің лауазымды тұлғаларына қатысты сотқа дейінгі тергеуді бастаған. Олар жер телімінің нақты бағасы 37 084 336 теңге бола тұра, 4 524 607 теңгеге дейін арзандатылған бағаға ауданы 1,8804 гектар жер учаскесін жалға алу құқығын сату бойынша заңсыз аукцион өткізген. Осылайша, мемлекетке келтірілген шығын 32 107 268 теңгені құрап отыр.
«23 шілдеде Қостанай қаласы әкімінің өкімімен әкімнің теріс қылықтары үшін тергеуге алынған орынбасары Агдрей Финк қызметінен босатылды. Егер оның кінәсі сотта дәлелденетін болса, онда 10 күнтізбелік күннің ішінде қала әкімі Қайрат Ахметов отставкаға өтініш беруі тиіс», - деді Данияр Бигайдаров.