Қостанай облысында 775 шақырым автожол жөндеуден өтті
2020 жылы Қостанай облысында 775 шақырым автожол жөндеу өткен. Осы мақсатта бюджеттен 68,5 млрд теңге жұмсалды, бұл 2019 жылдан 2 есе көп.
«Ауыл – ел бесігі» арнайы жобасы шеңберінде былтыр 13 елді мекенде (Алтынсарин, Амангелді, Бейімбет Майлин, Денисов, Жангелдин, Қамысты, Қостанай, Меңдіқара, Науырзым, Ұзынкөл аудандарында) 59 нысан күрделі қалыпқа келді. Бұған 2 млрд теңге бөлінді.
«Мемлекет басшысының бастамасы аясында ауыл тұрғындарының өмір сүру сапасын арттыру мақсатында газдандыру жұмысы жалғастырылуда. 2020 жылы Алтынсарин ауданының Қосқұдық, Федоров ауданының Федоровка ауылдарының газ тарату желілері пайдалануға берілді, Қостанай ауданының Шеминовка және Озерное ауылдарына газ құбыры салынды. Әулиекөл ауданының Әулиекөл ауылын газдандыру бойынша құрылыс-монтаждау жұмыстары аяқталды. Бұдан басқа, Қамысты ауданының Алтынсарино, Қостанай ауданының Шеминовка мен Озерное және Федоров ауданының Копытченка ауылдарын газдандыру жүзеге асырылатын болады», делінген облыс әкімдігі таратқан ақпаратта.