Қостанай облысында «Ashyq» жобасының іске қосылуы 200 кәсіпорынның жұмысын жандандырады

Қосымшаның Қостанай облысында іске қосылуы карантиннен кейін жұмысын бастамаған 200-ден астам кәсіпорынның жұмысын қалпына келтіруге мүмкіндік береді. Бұл туралы Қостанай облыстық Кәсіпкерлер палатасының директоры Мұрат Әбенов мәлім етті.

«Ashyq» жобасы кәсіпкерлік нысандары: фитнес-клубтар, спа-орталықтар, хауыз, бассейндер, кинотеатрлар, қоғамдық тамақтану орындары, компьютерлік және боулинг-клубтардың жұмысына қойылған шектеулерді толық алып тастау немесе жарым-жартылай жабу баламасы ретінде іске қосылды. Басқа кәсіпорындар да «Ashyq» қосымшасы бойынша жұмыс істей алады, себебі ол бизнес нысандарына жалпы эпидемиологиялық жағдайға азырақ тәуелді болуға мүмкіндік береді. Мәселен, егер облыс «қызыл» аймақта тұрса, жобаға қатысушы кәсіпорындар «сары» аймақ өлшемдерімен, ал егер «сары» аймақта тұрса – «жасыл» аймақ өлшемдерімен жұмыс істейтін болады. Жобаға қатысу ерікті – бизнес те, азаматтар да ештеңеге мәжбүрленбейді», - деп баяндады М.Әбенов.

Қазақстанның бірнеше аймағында бизнес үшінші ай бойы «Ashyq» жобасы бойынша пилоттық режимде жұмыс істеуде. Бұл аяғына дейін жетпеген техникалық жұмыстарды анықтап, оларды қосымшаның көпшілікке шығуына дейін жоюға мүмкіндік берді.