19:20, 23 Шілде 2021 | GMT +6
ҚР Әділет министрі АҚШ-та бірқатар маңызды кездесулер өткізді
НҰР-СҰЛТАН. ҚазАқпарат - 2021 жылғы 19-21 шілде аралығында ҚР Әділет министрі М.Б. Бекетаев Мемлекеттік департамент, Әділет министрлігі, Конгресс, құқық қорғау ҮЕҰ өкілдерімен және АҚШ-тың халықаралық діни бостандық жөніндегі комиссия мүшелерімен кездесті, деп хабарлайды ҚазАқпарат.
Кездесулерде демократиялық қайта құрулар мен адам құқықтары саласындағы жұмысты қоса алғанда, Қазақстан мен АҚШ-тың өзара іс-қимылының ауқымды мәселелері талқыланды.
21 шілдеде Әділет министрі Халықаралық құқық қорғау ҮЕҰ өкілдерімен дөңгелек үстел жұмысына қатысты. Сондай-ақ, М.Б. Бекетаев АҚШ Бас прокуроры орынбасарының көмекшісі Брюс Шварцпен кездесті.
Олар құқықтық жүйелерді дамыту және тәжірибе алмасу мәселелерін талқылады. Кездесу қорытындысы бойынша Тараптар тиімді ынтымақтастықты жалғастыруға келісті.
