ҚР ДСМ бәсекелестік ортаға берілген 4 қызметі бойынша ашық конкурс жариялады
«ҚР Денсаулық сақтау министрлігі жоспар бойынша тәуелсіз бәсекелестік ортаға және өзін-өзі реттейтін ұйымдарға берілетін бірқатар функцияларды беру жұмыстары жүргізілуде. Ұлт жоспарының 97 қадамын орындау шеңберінде азаматтардың және кәсіпкерлік субъектілерінің шешімдер қабылдау процесіне қатысу мүмкіндігі жоспарланып отыр», - делінген хабарламада.
Қазіргі уақытта ҚР Денсаулық сақтау министрлігі «Мемлекеттік сатып алу туралы» ҚР Заңына сәйкес сатып алудың 4 бағыты бойынша ашық конкурс жүргізеді. Олар: Аналар мен перинаталдық өлім-жітімнің құпия аудитін жүргізуге қатысты қызметтер; Қайта реттеу, бизнес үшін кедергілерді азайту және денсаулық сақтау саласында жекеменшік секторын дамыту; Қазақстанда денсаулық сақтауды стандарттау жүйесін жетілдіру бойынша жұмыстар; Клиникалық хаттамаларды әзірлеу/қайта қарау.
Осы функциялар алғаш рет бәсекелестік ортаға берілген. Бұрын бұл жұмысты ҚР Денсаулық сақтау министрлігінің ведомстволық бағынысты ұйымы мемлекеттік тапсырмасына сәйкес жүргізіп келген.
Конкурсқа қатысуға медициналық қауымдастық, үкіметтік емес ұйымдар, денсаулық сақтау саласындағы ғылыми-зерттеу институттары, ұлттық орталықтар, медициналық университеттерді шақырылады.